O lingüista, filólogo e investigador arxentino da cultura celta Higino Marins presentou este 15 de decembro no concello baixomiñota de Oia o seu libro ‘As tribus galaicas’. O autor é de orixe galega, xa que os seus pais naceron neste mesmo concello, onde aínda vive a maioría dos seus familiares directos.
Oia é unha das localidades escollidas polo estudoso, xunto con Santiago de Compostela e Porto, para presentar este libro. Esta obra é froito de varios anos de estudo sobre as orixes celtas da toponimia de Galicia e recolle ademais os cursos de proto-historia galega impartidos por Martins.
Higino Martins é un dos maiores especialistas de todo o mundo en toponimia e linguas celtas, ademais dun dos maiores animadores da lingua e cultura galegas na Arxentina.
Foi discípulo de Eduardo Blanco Amor no Instituto Argentino de Cultura Galega, onde actualmente exerce como profesor de lingua e literatura galegas. Foi secretario xeral do Banco de Español del Río de Plata e dispón dunha ampla obra de investigación e de traducción de diversas obras litararias.
A peneira do Baixo Miño 