Curso de iniciación á lingua de signos na Casa da Xuventude

A Casa da Xuventude de Tui prosegue co seu programa de formación na lingua de signos a través dun novo curso de 30 horas que da continuidade aos realizados no ano 2007.

Nesta ocasión ofertamos un novo Curso de Iniciación II ao que poderán acceder os alumnos que realizaran previamente os cursos do centro durante o ano pasado ou, no caso de quedar prazas vacantes, aquelas persoas que acrediten ter realizado algún curso na mesma materia en calquera outra entidade.

Este novo curso está realizado en colaboración con FEGAXOR e con el pretendemos mellorar a comprensión e expresión da lingua de signos co obxectivo de favorecer a eliminación de barreiras de comunicación coa mocidade xorda.

Imparte  curso Iria Márquez Covelo e celebrarase os venres de 18.30 a 20.30 entre o 4 de abril e o 20 de xuño.