X Noite Internacional do Miño en Tui

O martes día 28, celébrase a X Noite Internacional do Miño, será ás 21h no Parque do Laxal en Rebordáns

O Parque do Laxal en Rebordáns acolle mañá martes, 28 de xullo, ás 21h a X Noite Internacional do Miño. É unha co folclore protagonizado este ano polos bailes e música de Europa do Leste e de México que organiza a Escola de Música e Baile “San Fins” de Rebordáns.

Esta cita, xa consolidada, foi presentada esta mañá na Casa do Concello de Tui onde Roberto Rocha e Félix González, membros da organización, deron conta dos pormenores deste Festival respaldados polo Alcalde, Antonio Fernández Rocha, e polo Concelleiro de Cultura.

Advertisement

A Concellería de Cultura de Tui presenta un Complexo Vitamínico Cultural contra a crise

·:·: A programación do segundo semestre ten un orzamento de 100 mil, dos que 40 mil son aportados polo propio Concello :·:·

As cores chamativas caracterizan o deseño do nº18 da Axenda Cultural “Corredoira” que recolle a programación cultural para o segundo semestre do ano en Tui. O deseño feito por Deideas emula un coñecido complexo vitamínico presentado así neste “envase” unha serie de “vitaminas culturais” en tempos de crise.

O Alcalde de Tui, Antonio Fernández Rocha, e o Concelleiro de Cultura, Moisés Rodríguez presentaron esta mañá esta programación, acompañados polo equipo do Departamento de Cultura e polos responsables de Deideas.

A programación presentada esta mañá ten un orzamento de 100 mil euros, dos que o Concello aporta 40 mil, sufrindo un recurte a partida orzamentaria do Departamento de Cultura, segundo explicou o rexedor tudense, Antonio Fernández Rocha, ao ser este “un ano difícil”.

Moción sobre a gratuidade dos libros de texto, presentada polo PSOE no Concello de Tui

O Grupo Socialista presenta unha mocion sobre a gratuidade dos libros de texto para tratar no pleno do mes de xullo

Con isto o Grupo Socialista do Concello de Tui pretende implicar a todos os grupos políticos en consolidar o dereito dos cidadáns a un Ensino Gratuíto para todos sen ningún tipo de condición
 
O partido socialista  esta preocupado po la actuación do PP en quitarlle este  dereito a os cidadáns en tempo de vacacións e que cando os prexudicados poidan racionar sexa demasiado tarde e o curso comece de mala maneira.
 
Os socialistas sempre temos defendido a implantación na sociedade de dereitos cidadáns universais. A Educación e a Sanidade son un claro exemplo e así o entende a grande maioría da sociedade galega.
 
Por todo isto o grupo municipal Socialista intenta acadar o Acordo Plenario:
O Pleno do Concello de Tui en base a que a educación constitúe un dereito básico e universal de toda a cidadanía insta á Xunta de Galicia a continuar co modelo de gratuidade dos libros de texto no ensino obrigatorio impulsado polo anterior goberno, na procura dun sistema educativo universal, de calidade e gratuíto para todos e todas

O Concello de Tui abre unha nova oficina de turismo no Paseo da Corredoira

·:·: Tres bolseiras de turismo subvencionadas polo Padroado de Turismo Rías Baixas atenderán aos visitantes até final de ano :·:·

Os turistas que este verán se acheguen á cidade serán atendidos no céntrico Paseo da Corredoira nunha nova oficina de turismo que o Concello de Tui instalou esta mesma mañá. Trátase dunha instalación feita en madeira moito máis ampla e confortable que a que caseta da Praza da Inmaculada que nos últimos anos realizaba a función de Oficina de Turismo.

Tui conmemora o CXVIII Aniversario dos Xogos Florais de Galicia cun recital poético o mercores 24 de xuño

:·:·:·:· Celebrarase na Igrexa de San Domingos coa participación de Yolanda Castaño, Eva Veiga e Marga do Val e a colaboración do músico Tomás Camacho ·:·:·:·:

A cidade de Tui conmemorará o vindeiro mércores 24 de xuño o CXVIII aniversario da celebración dos Xogos Florais de Galicia cun recital poético que reunirá na Igrexa de San Domingos a partires das 20,30 horas ás poetas Yolanda Castaño, Eva Veiga e Marga do Val, coa colaboración do músico Tomás Camacho, nunha actividade organizada pola Biblioteca Pública Municipal de Tui ao abeiro do programa Letras Vivas da Consellería de Cultura e Turismo da Xunta de Galicia.

Este festival poético rememora a celebración na nosa cidade o 24 de xuño de 1891 dos Xogos Florais de Galicia, primeiro acto público realizado integramente na nosa lingua, e que organizados pola Asemblea Rexionalista Galega premiaban composicións en galego e castelán de diversos xéneros, como no caso tudense, a poesía. O primeiro presidente da institución, Manuel Murguía converteríase aquel día no primeiro intelectual en dirixirse ao público en galego, lendo un discurso que constitúe un compendio do seu pensamento historicista e reivindicador sinalando que o principal obxectivo era “o renacemento dunha nacionalidade case morta e esquecida por medio da literatura, das tradicións e da historia”.

O Teatro Municipal de Tui foi o segundo espazo con maior media de espectadores da RGTA en 2008

 :::A cifra supérase xa no que levamos do primeiro semestre :::

O Teatro Municipal de Tui foi o segundo espazo da Rede Galega de Teatro e Auditorios, RTGA, con maior media de espectadores por función ao longo de 2008. Así Tui logrou unha media de 251,27 espectadores nos 15 espectáculos que ofreceu da Rede, unha cifra so superada por Pontevedra que acadou os 344,2 espectadores en 20 funcións.

Estes datos son aportados por AGADIC axencia galega das industrias culturais, dependente da Consellería de Cultura.

Máis información en:  www.agadic.info/imxd/boletin/doc/1238676274e_scena_abril_09.pdf

Novos cursos no Centro de Formación de Tui

Na páxina web da Consellería de Traballo, aparecen como concedidos 3 CURSOS PARA DESEMPREGADOS a impartir polo Concello de Tui:

TÓDALAS PERSOAS INTERESADAS PODENSE INSCRIBIR Á MAIOR BREVIDADE NA OFICINA DE EMPREGO DE TUI

CARPINTEIRO, 820 horas
FONTANEIRO, 790 horas
ELECTRICISTA DE MANTEMENTO, 750 horas

-No cursos de carpinteiro e fontaneiro non esixen formación nin titulación
-No curso de electricista de mantemento esixen ter graduado escolar ou similar con 2 anos de experiencia, ou fp1 electricidade con 1 ano de experiencia, ou ter algunha formación ocupacional en electricidade

Clausura das Xornadas sobre a Guerra da Independencia en Tui

Unha mesa redonda de debate a celebrar o martes 14 de abril a partires das 19,00 horas no Telecentro de Tui (no edificio Área Panorámica – primeiro andar) clausura as Xornadas organizadas pola Concellería de Cultura do Concello de Tui para conmemorar o bicentenario da Guerra da Independencia na nosa cidade co obxectivo de ofrecer aos veciños e interesados un achegamento a este momento histórico da nosa cidade.

Cinco grupos participan na Semana do Teatro Afeccionado en Tui

Terá lugar do luns 13 ao venres 17 no Teatro Municipal ás 21h

Os grupos de teatro afeccionado que hai en Tui van representar as súas obras no Teatro Municipal de Tui nunha iniciativa da Concellería de Cultura, por darlles unha oportunidade de actuar neste espazo.
Esta Semana do Teatro Afeccionado foi presentada polo Alcalde de Tui, Antonio Fernández Rocha, o Concelleiro de Cultura, Moisés Rodríguez, e un representante de cada un dos cinco grupos que van actuar nesta programación.

O domingo celebrouse a Festa do Meixón en Tui

Este domingo,12 de abril, celebrouse en Tui a Festa do Meixón organizada por un grupo de veciños de Randufe. A festa volve así a súa data inicial de celebración coma é o Domingo de Pascua.
No Restaurante Cruceiro do Monte tivo lugar a presentación oficial do Festexo, onde amais dos membros da Comisión estiveron presentes o Alcalde de Tui, Antonio Fernández Rocha, e o Concelleiro Antonio Castro. A ocasión aproveitouse amais para degustar o meixón que foi servido o domingo, que presentaba unha alta calidade. Foi subministrado por Comercial Ibait de Guipúscoa.