A atleta tomiñesa Mª Vilariño gana unha das probas do Duatlón Escolar disputado en Tomiño

16 - Maio - 2009

duatlón:::María Vilariño Treinta, atleta tomiñesa que pertence ao Club Atletismo Porriño, quedou primeira na categoría cadete feminino, na final do Duatlón Escolar disputado o pasado sábado, día 2 de maio, en Tomiño.:::

Preto de dous centenares de atletas de toda Galicia déronse cita neste final galega por equipos e por colexios do duatlón escolar organizado pola Federación Galega de Triatlón coa colaboración da Concellería de Lecer e Deportes, que preside o centrista Fernando Álvarez, e a Dirección Xeral para o Deporte.
Ler o resto desta entrada »


O Concello de Tomiño denuncia un vertido de puríns no río Furnia

15 - Maio - 2009

:::O Concello denunciará a acción ante a Consellería de Medio Ambiente:::

En días pasados, os servizos de Protección Civil do Concello de Tomiño foron alertados a través do 112, dun posible vertido no río Furnia, que provocaba coloración nas augas e forte fedor nas mesmas. Dende a Concellería de Medio Ambiente, organizouse de inmediato o dispositivo para tratar de localizar o vertido cunha patrulla da Policía Local e persoal voluntario de Protección Civil. Os axentes puideron comprobar a existencia do referido vertido. Este foi realizado dende unha finca do termo municipal de Tui, e todo apunta a que se debía á descarga dunha ou varias cisternas de puríns (excrementos de animais).
Santiago Vergara, concelleiro de Medio Ambiente do Concello de Tomiño, declarou que o informe da Policía Local “servirá de base para a denuncia que o Concello presentará diante da Consellería de Medio Ambiente, posto que se trata dun delito ecolóxico”. Destacou o edil o esforzo que está a facer o Concello no tema de vertidos ilegais que en Tomiño foron controlados dende a apertura dun punto controlado de baleirado de cisternas e, especialmente, pola colaboración veciñal que está a posibilitar a clausura de numerosos puntos de vertido ilegais en pequenos regos e regatos. No caso do río Furnia, informa Vergara, que ata o de agora non se detectou ningún vertido no territorio de Tomiño, entre outras razón porque nas parroquias polas que decorre o río non hai practicamente vivendas.


A Oficina de Igualdade do Concello de Tomiño ofrece asesoramento xurídico gratuito a mulleres

8 - Maio - 2009

omix_campo_da_feira

:::O servizo atendeu xa unha vintena de consultas sobre malos tratos, trámites de divorcio, custodia e planificación familiar:::

Unha vintena de mulleres beneficiáronse do servizo de información e asesoramento xurídico que ofrece a Oficina de Igualdade do Concello de Tomiño, de xeito totalmente gratuíto. Entre as mulleres atendidas atópanse varias vítimas de violencia de xénero; persoas en proceso de separación ou divorcio, e outras que demandan información sobre garda e custodia dos fillos e fillas, réxime de alimentos, orientación en temas de planificación familiar, maternidade e anticoncepción.

Ler o resto desta entrada »


Programación Cultural para o mes de Maio en Tomiño

27 - Abril - 2009

Para o vindeiro mes de maio, a Concellería de Cultura, Educación e Participación Veciñal do Concello de Tomiño, ten programados os seguintes actos culturais:

Día 2: Actuación do grupo de acordeóns Mascarenhas ás 21:30h. no Auditorio de Goián.

Día 3: Concerto de música clásica na igrexa de Sta. Mª de Tomiño ás 12:00h.

Día 9 e 10: Festa do Kiwi en Tomiño.

Día 17: Celebración do Día das Letras Galegas coa seguinte programación:

Feira do libro con descontos dun 20%

11:00h. Actuación do grupo de pandereteiras de Ultreia.

12:00h. Actuación da Agrupación Musical de Goián Entrega de premios do Certame de Contos e Lendas Ramón Piñeiro

20:00h. Presentación do libro de Contos e Lendas de Tomiño no Auditorio de Goián

20:15h. Concerto da Camerata Viguesa no Auditorio de Goián

Día 23: Actuación da Escola de Baile Bambalina ás 21:30h. no Auditorio de Goián

Día 30: Actuación do mago Cayetano Lledó ás 21:30h. no Auditorio de Goián


A VI Mostra de Cultivos do Baixo Miño celebrouse en Goián (Tomiño)

27 - Abril - 2009

::: A VI MOSTRA DE CULTIVOS DO BAIXO MIÑO REÚNIU A PASADA FIN DE SEMANA UNHA TRINTENA DE VIVEIROS, PRODUTORES DE HORTA E EMPRESAS AUXILIARES DO CAMPO :::

mostraO 25 deste mes, no pavillón Municipal de Goián (Tomiño), foi inaugurada a VI Mostra de Cultivos do Baixo Miño, organizada polo Concello de Tomiño conxuntamente cos Produtores do Baixo Miño e co patrocinio de Fibanc Mediolanum. O acto contóu coa presenza dos alcaldes da comarca, membros da corporación municipal e autras autoridades da zona.

Ler o resto desta entrada »


A Concellaría de Medio Ambiente de Tomiño renova a dotación de colectores de cartón e vidro

21 - Abril - 2009

:::Ampliarase o número de unidades e substituiranse as que estean deterioradas tanto nos núcleos urbanos do Seixo e Goián, coma nas parroquias:::

contenedores_tomino
A Concellería de Medio Ambiente do Concello de Tomiño, que preside o socialista Santiago Vergara, está a renovar e ampliar a dotación de colectores de papel-cartón, nos núcleos urbanos do Seixo e Goián, con especial atención ás zonas que dispoñan de poucas unidades ou onde estas se atopen moi deterioradas.
Nestas semanas, vai procederse deste xeito, á instalación de 32 novas unidades de carga lateral, o que vai permitir optimizar a recollida.
Ler o resto desta entrada »


O Concello de Tomiño pon pasos sobreelevados fronte aos centros de ensino

20 - Abril - 2009

A área está a elaborar estudos técnicos para mellorar as condicións de seguridade nas proximidades dos colexios
A Concellería de Seguridade, Tráfico e Transporte, que dirixe a socialista Julia Cascón, ven de construír pasos sobreelevados nas parroquias do municipio; concretamente, diante do colexio público de Tebra, e fronte ao torreiro de festas de Amorín. As actuacións enmárcanse na liña de traballo de prevención que ven desenvolvendo a concellería, centrada sobre todo nos entornos dos centros escolares, onde se ten constatado que os vehículos circulan a velocidades superiores ás permitidas.
Ler o resto desta entrada »


A Policia Local de Tomiño cambia as súas instalación

20 - Abril - 2009

A POLICÍA DE TOMIÑO CAMBIA AS SÚAS INSTALACIÓNS POR OUTRAS MÁIS MODERNAS E CON MELLORES CONDICIÓNS DE SEGURIDADE
O novo local, dotado con cámaras de vixilancia, sensores de movemento e outras medidas de seguridade, está situada na parte traseira do antigo centro de saúde

policia_tominho

As Policía Local de Tomiño ven de cambiar as súas oficinas, ate o de agora situadas na planta baixa do Concello, por outras máis modernas, amplas e dotadas con todas as medidas de seguridade, que se atopan na parte traseira do edificio do antigo centro de saúde, no barrio de A Rocha.
Ler o resto desta entrada »


Comeza o novo ‘Obradoiro de Autoestima’ en Tomiño

14 - Abril - 2009

A actividade é gratuíta e cun límite de quince prazas

queromeMañá, día 15 de abril, comeza na parroquia de Sobrada o segundo obradoiro de autoestima e habilidades sociais organizado pola Oficina de Igualdade do Concello de Tomiño no ano 2009.
O obradoiro, gratuito e dirixido a todas as mulleres da localidade, terá lugar os días 15, 20 ,22, 27 e 29 de abril, e 4 de maio no CEIP de Sobrada.
Ler o resto desta entrada »


Tomiño busca unha mascota para a festa do kiwi

6 - Abril - 2009

A Concellería de Cultura convoca un concurso para obter un deseño que identifique a Festa do Kiwi

kiwisA Concellería de Cultura, Educación e Participación Veciñal do Concello de Tomiño, dirixida polo centrista Jesús Castiñeira, convoca un concurso de debuxo e manualidades para deseñar a mascota oficial da Festa do Kiwi, organizada por esta concellería, e que este ano terá lugar os vindeiros 9 e 10 de maio.
O certame está dirixido a todos os rapaces e rapazas de Tomiño de idades comprendidas entre os 5 e os 17 anos.
Ler o resto desta entrada »