A Deputación Provincial de Pontevedra asinará un convenio de colaboración co Concello de O Rosal que posibilitará a instalación dun sistema para a eliminación de humidades e condensacións no pavillón de deporte e a ampliación do mesmo para a creación dun ximnasio. Este acordo foi aprobado pola Xunta de Goberno celebrada onte.
O investimento necesario para acometer esta actuación ascenderá a 130.674 euros dos cales 56.989,11 euros serán destinados á instalación do sistema para eliminar as humidades e os 73.685 euros para a construción do ximnasio.
O custe da actuación será financiado pola Deputación que achegará 98.005,65 euros e polo Concello de O Rosal que aportará os restantes 32.668,56 euros.
A administración provincial asumirá a licitación, dirección, execución e recepción das obras contempladas no proxecto técnico. Pola súa banda, o Concello deberá poñer a disposición os terreos necesarios para poder levar a cabo a actuación, así como de obter a correspondente licenza municipal e tramitar ante outros organismos as autorizacións que fosen precisas.
A peneira do Baixo Miño 