Programación Cultural para o mes de Maio en Tomiño

Para o vindeiro mes de maio, a Concellería de Cultura, Educación e Participación Veciñal do Concello de Tomiño, ten programados os seguintes actos culturais:

- Día 2: Actuación do grupo de acordeóns Mascarenhas ás 21:30h. no Auditorio de Goián.

- Día 3: Concerto de música clásica na igrexa de Sta. Mª de Tomiño ás 12:00h.

- Día 9 e 10: Festa do Kiwi en Tomiño.

- Día 17: Celebración do Día das Letras Galegas coa seguinte programación:

Feira do libro con descontos dun 20%

11:00h. Actuación do grupo de pandereteiras de Ultreia.

12:00h. Actuación da Agrupación Musical de Goián Entrega de premios do Certame de Contos e Lendas Ramón Piñeiro

20:00h. Presentación do libro de Contos e Lendas de Tomiño no Auditorio de Goián

20:15h. Concerto da Camerata Viguesa no Auditorio de Goián

- Día 23: Actuación da Escola de Baile Bambalina ás 21:30h. no Auditorio de Goián

- Día 30: Actuación do mago Cayetano Lledó ás 21:30h. no Auditorio de Goián

A Federación de Autónomos de Galicia e a Agrupación Provincial de Autónomos de Comercio de Pontevedra asinaron un protocolo de colaboración coa Asociación de Comerciantes e Industriais da Guarda

A Federación de Autónomos de Galicia e a Agrupación Provincial de Autónomos de Comercio de Pontevedra asinaron un protocolo de colaboración coa Asociación de Comerciantes e Industriais da Guarda, mediante o cal as tres entidades comprométense a traballar conxuntamente nos seus respectivos ámbitos para a mellora das condicións de vida e emprego dos Traballadores Autónomos.

A sinatura deste protocolo, que foi subscrito por Dª Carmen García Braga (Presidenta da Asociación de Comerciantes e Industriais da Guarda) D. Javier Pérez Bello (Vicepresidente de FEAGA), Mª Teresa Vidal (Presidenta Asociación de Autonomos de Pontevedra) e por D. Antonio Reguera Repiso (Presidente da Agrupación Provincial de Autónomos de Comercio de Pontevedra) ten como obxectivo coordinar as posicións comúns das tres organizacións en materia de grandes plans de fomento do autoemprego, de inclusión social, de mellora da competitividade, de formación e de adaptación ás novas tecnoloxías.

A VI Mostra de Cultivos do Baixo Miño celebrouse en Goián (Tomiño)

::: A VI MOSTRA DE CULTIVOS DO BAIXO MIÑO REÚNIU A PASADA FIN DE SEMANA UNHA TRINTENA DE VIVEIROS, PRODUTORES DE HORTA E EMPRESAS AUXILIARES DO CAMPO :::

O 25 deste mes, no pavillón Municipal de Goián (Tomiño), foi inaugurada a VI Mostra de Cultivos do Baixo Miño, organizada polo Concello de Tomiño conxuntamente cos Produtores do Baixo Miño e co patrocinio de Fibanc Mediolanum. O acto contóu coa presenza dos alcaldes da comarca, membros da corporación municipal e autras autoridades da zona.

Novos cursos no Centro de Formación de Tui

Na páxina web da Consellería de Traballo, aparecen como concedidos 3 CURSOS PARA DESEMPREGADOS a impartir polo Concello de Tui:

TÓDALAS PERSOAS INTERESADAS PODENSE INSCRIBIR Á MAIOR BREVIDADE NA OFICINA DE EMPREGO DE TUI

CARPINTEIRO, 820 horas
FONTANEIRO, 790 horas
ELECTRICISTA DE MANTEMENTO, 750 horas

-No cursos de carpinteiro e fontaneiro non esixen formación nin titulación
-No curso de electricista de mantemento esixen ter graduado escolar ou similar con 2 anos de experiencia, ou fp1 electricidade con 1 ano de experiencia, ou ter algunha formación ocupacional en electricidade

A Concellaría de Medio Ambiente de Tomiño renova a dotación de colectores de cartón e vidro

:::Ampliarase o número de unidades e substituiranse as que estean deterioradas tanto nos núcleos urbanos do Seixo e Goián, coma nas parroquias:::

A Concellería de Medio Ambiente do Concello de Tomiño, que preside o socialista Santiago Vergara, está a renovar e ampliar a dotación de colectores de papel-cartón, nos núcleos urbanos do Seixo e Goián, con especial atención ás zonas que dispoñan de poucas unidades ou onde estas se atopen moi deterioradas.
Nestas semanas, vai procederse deste xeito, á instalación de 32 novas unidades de carga lateral, o que vai permitir optimizar a recollida.

O Concello de Tomiño pon pasos sobreelevados fronte aos centros de ensino

A área está a elaborar estudos técnicos para mellorar as condicións de seguridade nas proximidades dos colexios
A Concellería de Seguridade, Tráfico e Transporte, que dirixe a socialista Julia Cascón, ven de construír pasos sobreelevados nas parroquias do municipio; concretamente, diante do colexio público de Tebra, e fronte ao torreiro de festas de Amorín. As actuacións enmárcanse na liña de traballo de prevención que ven desenvolvendo a concellería, centrada sobre todo nos entornos dos centros escolares, onde se ten constatado que os vehículos circulan a velocidades superiores ás permitidas.

A Policia Local de Tomiño cambia as súas instalación

A POLICÍA DE TOMIÑO CAMBIA AS SÚAS INSTALACIÓNS POR OUTRAS MÁIS MODERNAS E CON MELLORES CONDICIÓNS DE SEGURIDADE
O novo local, dotado con cámaras de vixilancia, sensores de movemento e outras medidas de seguridade, está situada na parte traseira do antigo centro de saúde

As Policía Local de Tomiño ven de cambiar as súas oficinas, ate o de agora situadas na planta baixa do Concello, por outras máis modernas, amplas e dotadas con todas as medidas de seguridade, que se atopan na parte traseira do edificio do antigo centro de saúde, no barrio de A Rocha.

Curso gratuíto de Comercio Electrónico e Preteccion de Datos

A Asociación ‘ábaco’ e a Academia Informática San Benito, organizan un Curso gratuíto de Comercio electrónico e Protección de datos, para autónomos e desempregados. Este curso impartiráse durante un mes e terá unha duración de 25 horas repartidas no seguinte horario: os luns e mércores de 20:30 a 23:00. O Curso comezará o vindeiro luns 27 de abril de 2009 e rematará o 27 de Maio.

::: Decidiuse cambiar as datas do curso quedando para comenzar o día Luns 4 de Maio e finalizar o 3 de Xuño, perdoade as molestias que vos poda ocasionar :::

 

 

A Asociación de Vigueses no Baixo Miño celebrou a Reconquista de Vigo

O pasado día 28 celebrouse, por primeira vez, a conmemoración da Reconquista de Vigo, no concello de Tomiño, por iniciativa da Asociación de Vigueses no Baixo Miño, de recente constitución.

O acto foi moi animado e consistíu nun ágape, nos xardíns do Parque Infantil de Solleiro, non faltou como é lóxico, a bandeira oficial de Vigo, cedida polo Excmo. Concello de Vigo, para este fin.

Neste acto estivo presente o concelleiro de Benestar Social D. Pablo Baquero.

Xornada de Sensibilización Autónomos 2009

A Asociación de Empresarios da Guarda – ACIGU CCA – informa que o próximo Xoves día 16 de Abril terá lugar unha xornada informativa dedicada ao sector empresarial e especialmente aos traballadores autónomos.

Esta “ Xornada de Sensibilización Autónomos 2009 “ está organizada pola Federación de Autónomos de Galicia – FEAGA – e pola Federación de Autónomos de Pontevedra en colaboración con ACIGU CCA, a Federación Galega de Comercio e a Agrupación Provincial de Autónomos de Comercio de Pontevedra.