Os escolares visitan o Monte Tetón de Tomiño

A Concellería de Turismo pretende dar a coñecer os petroglifos e sendeiros de valor medio ambiental

Os alumnos e alumnas de 3º a 6º de Primaria dos centros de ensino de Tomiño visitarán nas vindeiras semanas o Ecoparque do Monte Tetón, logo de que a Concellería de Promoción Económica, Mocidade e Turismo, en colaboración coa Comunidade de Montes en Mancomún de Santa Mª de Tebra, rematase os traballos levados a cabo co fin de poñer en valor o patrimonio natural, paisaxístico e arqueolóxico do entorno.
As visitas comezaron o mércores pasado e se estenderán ata o día 13 de maio.
A actividade “pretende transmitir aos nenos e nenas do noso municipio uns valores medio ambientais, de uso do monte, e amosarlles un enclave de gran valor cultural e paisaxístico”, explicou o concelleiro responsable da área, Xaquín Villadangos.

A quinta edición do Play-Doc consolida a este festival que logra case 8000 asistentes ás súas actividades

A Concellería de Cultura do Concello de Tui quere amosar a súa felicitación pública aos organizadores da quinta edición do Festival Internacional de Documentais de Tui (Playdoc) celebrado a pasada semana na nosa cidade polo éxito acadado nesta nova edición.
Éxito da convocatoria máis de 600 películas enviadas ao festival de todos os puntos do planeta; éxito na selección das 31 películas presentadas nas proxeccións do festival e procedentes de países tan diversos como Xapón, Reino Unido, Eslovaquia, Irán, México, EE.UU, Lituania, Israel, China ou Polonia, e por suposto de Galicia, que este ano máis ca ningún outro, tivo unha ampla representación dentro do festival; éxito no número de espectadores que nunha nova edición ateigaron o Teatro Municipal de Tui chegando ata os case 6.000 espectadores ao longo das proxeccións, sen contar os participantes nos concerto ou os visitantes á exposición do artista iraniano Jamshid Aminfar o que permite falar de case 8.000 asistentes ás diversas actividades desenvolvidas ao abiero do Festival Internacional de Documentais de Tui na súa quinta edición.

Aberta ata fin de mes a exposición de fotoxornalismo “Galicia en foco”

A Sala Municipal de Exposicións do Concello de Tui acolle ata finais do presente mes de marzo a exposición de fotoxornalismo “Galicia en foco” que chega este ano a súa 19ª edición.
A exposición está organizada polo Club de Prensa de Ferrol coa colaboración da Concellería de Cultura do Excmo. Concello de Tui. Esta exposición anual naceu en Ferrol en 1989 para a divulgación do traballo dos profesionais do fotoperiodismo galego, reivindicando o traballo dos fotógrafos de prensa. Este certamen ven avalado pola numerosa participación de reporteiros que cada ano se presentan á sua convocatoria.

Tomiño emprende a limpeza de ríos e regatos co fin de poñer en valor o seu patrimonio medioambiental

O goberno municipal do Concello de Tomiño solicitou á Confederación Hidrográfica del Miño-Sil a limpeza e acondicionamento de varios cursos fluviais do termino municipal co fin de poñer en valor este patrimonio medioambiental. A intervención comezouse hai dúas semanas no regato Margaridas, no barrio de Vilachán do Monte (parroquia de Barrantes), co propósito de favorecer o curso fluvial, e retirar os tapóns de terra e vexetación que existían no canle, e que producían desbordamento e outros problemas en épocas de chuvia.
Os traballos, visitados onte pola alcaldesa de Tomiño, Sandra González, e o concelleiro de Medio Ambiente, Santiago Vergara, consisten na limpeza das marxes, a eliminación de especies vexetais invasoras, como silvas e xestas, e a plantación de salgueiros na beira do regato. Asemade, procedeuse ao dragado do canle e á retirada dos tapóns que a terra e a vexetación formaran no curso fluvial.

Curso de Manipulador de Alimentos na Guarda

A Asociación de Empresarios da Guarda –ACIGU CCA- informa que proximamente impartirase unha nova edición do CURSO DE MANIPULADOR DE ALIMENTOS que se imparte habitualmente nas nosas instalacións da R/ Agustín Nandín Lomba, 4 da Guarda.
Desde o día 23 de Marzo permanecerán as listas abertas para anotarse; para todos aqueles interesados poden facelo na nosa sede da rúa Agustín Nandín Lomba, 4 no teléfono 986 61 17 43 ou a través de correo electrónico en acigu@acigu.org.
Dende ACIGU CCA lembramos que este curso é GRATUÍTO para os nosos asociados.

O BNG denuncia as condicións hixiénicas do paseo marítimo A Guarda

O BNG solicita que se tomen as medidas oportunas para atallar esta situación de deterioro hixiénico e ambiental.
O portavoz municipal do BNG, Xan Lois Lomba, presentou un escrito no rexistro do Concello da Guarda denunciando as condicións de falta de hixiene no paseo marítimo.
A formación nacionalista faise eco das queixas de veciños e veciñas sobre a aparición de restos de comida depositados en diferentes lugares do paseo marítimo que son aproveitadas por gatos, ratas, gaivotas, …

A Federación Galega e a Federación Provincial de Comercio entregaron no Rosal 19 certificacións de calidade.

A Federación Galega de Comercio e a Federación Provincial de Comercio de Pontevedra entregaron no municipio do Rosal 19 certificados de calidade subvencionados pola Consellería de Industria e Comercio.
Presidiron o acto, o alcalde do Rosal, Jesús Fernández Portela, o presidente da Federación Galega de Comercio, José María Seijas López, o Presidente da Federación Provincial de Comercio, Antonio Reguera Repiso, o Presidente da

Aberta ao público a exposición dos traballos presentados ao concurso de carteis para as Festas de San Telmo 09

A zona Anexa da Sala Municipal de Exposicións do Concello de Tui acolle xa a exposición dos 22 traballos presentados ao concurso convocado pola Concellería de Cultura tudense, coa colaboración da Comisión de Festas, para a elección do cartel anunciador das festas patronais de San Telmo 2009.
Abre a mostra o cartel gañador presentado pola deseñadora tudense Silvia Villaverde Miguez no que o xurado valorou “a súa innovación, calidade e adaptación á difusión de Tui e as sús festas”. No conxunto de obras presentadas salienta a súa alta calidade e creatividade que mereceron unha alta valoración por parte do xurado.

As clases de pintura trasladáronse do Centro Social á antigua Escola de Simón del Mazo

Recentemente as clases de pintura organizadas pola OMIX (Oficina Municipal de Información Xuvenil) do Rosal trasladáronse da aula do Centro Social Polivalente ao edificio municipal e antiga escola da rúa Simón del Mazo.
Dende 2003 estas clases están impartidas por Águeda Suárez Vicente, con grupos de entre 20 e 30 alumnos cada ano. No actual cursan 24 usuarios repartidos en tres grupos (dous o venres de tarde e un o sábado de mañá, hora e media á semana).

Fulano, Mengano e Citano presentan a obra “ARTE” no auditorio de Goián

O sábado 21 de marzo, no Auditorio de Goián a partir das nove e media da noite, a compañía Fulano, Mengano e Citano, levará ao escenario a súa obra “Arte”.